Gerasımenko ústel tennısinen halyqaralyq týrnırdiń kezeńinde jeńiske jetti
GRANADA. QazAqparat - Ispanııanyń Granada qalasynda ústel tennısinen ótken ITTF Challenge Spanish Open kezeńi aıasyndaǵy iri halyqaralyq jarysta Kırıll Gerasımenko jeńimpaz atandy, dep habarlaıdy QazAqparat Olympic.kz silteme jasap.
Atalǵan jarystyń fınalynda Kırıll germanııalyq Benedıkt Dýdomen kezdesti. Tartysty ótken sheshýshi oıyn 7 aınalymǵa sozyldy. Bastapqyda esep 3:3 boldy. Aqtyq aınalymda Gerasımenko salqynqandylyq saqtap, qatege jol bermeı, nátıjeli shabýyldy údetti.
Nátıjesinde, sońǵy aınalym 11:7 esebimen Gerasımenkonyń enshisine sheshildi.
Osylaısha, fınaldyq kezeń 4: 3 esebimen aıaqtalyp, qazaqstandyq tennısshi jeńimpaz atandy. Jalpy oıyn barysynda ol barlyǵy 6 kezdesý ótkizip, qarsylas shaq keltirmedi.
