Gepatıtti juqtyrmaý joldary qandaı

Vırýstyq gepatıt – baýyrdy qabyndyratyn juqpaly aýrý. Bul vırýstar túrli jolmen beriledi: A jáne E gepatıti – vırýspen lastanǵan azyq-túlik pen sý arqyly jáne turmystyq baılanys kezinde adamnan adamǵa juǵady. V jáne S gepatıti – qan arqyly, jynystyq qatynas kezinde jáne júktilik kezinde anadan balaǵa juǵady. D gepatıti – jeke juqpaıdy, ol tek V gepatıtimen birge damıdy.

«Atalǵan barlyq vırýstar gepatıtti týdyrady, saldarynan adamnyń tábeti joǵalady, dene qyzýy kóterilip, teri sarǵaıyp, shel paıda bolýy múmkin. V jáne S gepatıtteri sozylmaly túrge aýysyp, baýyr tsırrozyna (57% jaǵdaıda) nemese bastapqy baýyr obyryna (78% jaǵdaıda) ákep soǵýy múmkin. Qazaqstanda sońǵy 20 jylda jiti vırýstyq gepatıttermen syrqattaný kólemi azaıyp keledi. Respýblıka boıynsha jyl saıyn jiti vırýstyq gepatıttiń shamamen 1 myń jaǵdaıy, sozylmaly vırýstyq gepatıttiń 5-6 myń jaǵdaıy tirkeledi. Syrqattaný respýblıkanyń barlyq óńirlerinde tirkelgen», - dep habarlady ortalyqtan.

Sonymen birge, Ulttyq ortalyq gepatıtti juqtyrmaýdyń negizgi qaǵıdalaryn usyndy.

Eń aldymen, A jáne V gepatıtine qarsy egilý qajet. Sapaly taza sý iship, kókónister men jemis-jıdekterdi muqııat jýyp, termııalyq óńdeýden ótkizý qajet. Osylaısha V gepatıtinen saqtanýǵa bolady.

Mıkroskopııalyq mólsherdegi qan ustarada, tis şetkasynda, tyrnaq alatyn qaıshyda qalyp ketýi múmkin. Bul zattardy basqalarmen ortaq qoldanbaý kerek. Sterıldenbegen quraldarmen pırsıng jáne tatýırovka jasatpaǵan jón. Jynystyq qatynas kezinde saqtaný sharalaryn qabyldaý qajet.

Halyqqa vaktsınatsııa júrgizý arqyly A, V jáne E gepatıtiniń aldyn alýǵa bolady. V jáne S gepatıtimen kúreste – donorlyq qandy tekserý, sterıldik ınektsııalyq jabdyqtar jáne ınfektsııalyq baqylaý bolǵany jón.

Aıta keteıik, jyl saıyn, 28 shildede Dúnıejúzilik gepatıtpen kúres kúni atalyp ótedi.