Gepatıt juqtyryp almańyz - Sulýlyq salonyn qalaı tańdaý kerek
ASTANA. QazAqparat - Ulttyq qoǵamdyq densaýlyq saqtaý ortalyǵy turǵyndarǵa gepatıt juqtyryp almaýǵa qatysty birqatar keńester berdi, dep habarlaıdy QazAqparat tilshisi.
«Vırýstyq gepatıtten 100% saqtaný múmkin emes. Biraq, birneshe erejeni ustanyp, qaýipti seıiltýge bolady: manıkıýr, pedıkıýr, tatý, pırsıng jáne t.b. kúmándi salondarda, sondaı-aq kóp qoldanylatyn quraldar men olardyń bólshekterin qajetti zararsyzdandyra almaıtyn qoǵamdyq oryndarda jasatpańyz; kez kelgen zararsyzdandyrylmaǵan kesetin medıtsınalyq, manıkıýrlik jáne basqa da quraldardy qoldanýdan aýlaq bolyńyz; Gepatıtke udaıy tekserilińiz; V gepatıtine qarsy ekpe alyńyz», - dep keńes berýde ortalyqtyń sarapshylary.
Ulttyq qoǵamdyq densaýlyq saqtaý ortalyǵy sanıtarlyq-epıdemıologııalyq saraptama jáne monıtorıng ulttyq-praktıkalyq ortalyǵy Sanıtarlyq-gıgıenalyq monıtorıng jáne qaýipterdi baǵalaý departamentiniń dırektory Seıkárim Tastanbaev ózniń mynadaı keńesterin berdi.
«Klıentter kosmetıkalyq, kosmetologııalyq qyzmetterdi usynatyn shashtarazdar men sulýlyq salondaryna barǵan kezde mynaǵan nazar aýdarýlary qajet: áıelder men erler zaldarynda shashtarazshylar men kelýshilerdiń qoldaryn jýýǵa jáne bastaryn jýýǵa arnalǵan jerleri bólek bolýy tıis. Kosmetıkalyq, manıkıýr jáne pedıkıýr bólmelerinde jabyq túrdegi bakterıtsıdtik ýltrakúlgin sáýlelendirgishteri bolýy tıis», - dedi ol.
Sarapshynyń aıtýynsha, salon qyzmetkerleriniń ózderi myna erejelerdi saqtaýy tıis:
- klıentke qyzmet kórsetýdiń aldynda jáne odan keıin qoldy sabyndap jýý;
- kosmetıkalyq kabınetterde qolǵa arnalaǵan antıseptıkterdi qoldaný, qorǵanys maskalaryn, bir rettik qolǵaptar paıdalaný;
- shashty qolǵappen boıaý;
- jumys oryndarynda tamaqtanbaý jáne temeki shekpeý;
- arnaıy kıimde jumys isteý.
