Gepatıt: Shyǵys Qazaqstan men Qaraǵandy oblystaryndaǵy qazirgi jaǵdaı
ASTANA. QazAqparat - QR Densaýlyq mınıstrligi Shyǵys Qazaqstan men Qaraǵandy oblystarynda A gepatıtine shaldyǵý jaǵdaıyna baılanysty túsinikteme berdi, dep habarlaıdy QazAqparat.
«A vırýstyq gepatıtiniń toptyq aýrýshańdyǵy Shyǵys Qazaqstan jáne Qaraǵandy oblystarynyń mektep oqýshylary arasynda tirkelip otyr. 2017 jylǵy qyrkúıekten bastap A vırýstyq gepatıtiniń 32 jaǵdaıy Shyǵys Qazaqstan oblysy, Úrjar aýdanynyń Sholpan aýylynda tirkelgen bolsa, onyń sońǵy jaǵdaıy aǵymdaǵy jylǵy 18 qańtarda tirkelgen. Al 2018 jyly 5 aqpandaǵy aqparat boıynsha Qaraǵandy oblysynda jalpy A vırýstyq gepatıtiniń 82 jaǵdaıy, onyń ishinde Qaraǵandy qalasynda - 47, Temirtaý qalasynda - 13, Shahtınsk qalasynda - 5 oqıǵa jáne basqa aýdandarda biren-saran jaǵdaılary tirkelgen», - dep atap ótilgen mınıstrliktiń «QazAqparat» agenttigine bergen resmı jaýabynda.
Bul rette, mektep oqýshylary arasyndaǵy top bolyp aýrý jyqtyrý jaǵdaılary Qaraǵandy qalasynyń №58 orta mektebinde (20 jaǵdaı), Temirtaý qalasynyń №5 orta mektebinde (8) jáne Shahtınsk qalasynyń №26 mektebinde (5) tirkelgen.
Atap aıtqanda, A vırýstyq gepatıtiniń negizgi berilý faktorlary - naýqas adammen tikeleı baılanysta bolý, sondaı-aq, vırýs taǵammen, sýmen, jeke gıgıena erejeleri saqtalmaǵan kezde beriledi.
«Infektsııany oqshaýlaý maqsatynda mynadaı epıdemııaǵa qarsy is-sharalar júrgizildi: mekteptegi jáne úıde naýqastarmen qarym-qatynasta bolǵandardy medıtsınalyq baqylaý; kabınettik oqytý júıesin boldyrmaý; mektepte mádenı-buqaralyq jáne sporttyq is-sharalar ótkizý boıynsha shekteý qoıý, dezınfektsııalaý, turǵyndarmen, qarym-qatynasta bolǵan balalarmen, ata-analarmen A vırýstyq gepatıtiniń aldyn alý boıynsha sanıtarlyq bilimdi jetildirý jumystaryn júrgizý, josparly túrde jáne ınfektsııa oshaǵynda qarym-qatynasta bolǵan balalardy A vırýstyq gepatıtke qarsy vaktsınalaý», - delingen vedomstvo málimetinde.
Budan buryn habarlanǵandaı, Úrjardaǵy balalardyń gepatıtke shaldyǵýynyń sebebi anyqtalǵan bolatyn.
Sonymen qatar, Qazaqstannyń bas memlekettik sanıtarlyq dárigeri Jandarbek Bekshın Qaraǵandydaǵy mektep oqýshylarynyń arasynda A gepatıtiniń oshaǵy úıde ázirlengen sýsynnan paıda bolǵan.
