Geosaıası jaǵdaı keden bajdaryna keri áser etti - mınıstr
NUR-SULTAN. QazAqparat –QR Premer-Mınıstrdiń orynbasary – Qarjy mınıstri Erulan Jamaýbaev Úkimet otyrysynda keden bajdaryna qatysty jospardyń nege oryndalmaı jatqanyn túsindirdi, dep habarlaıdy QazAqparat tilshisi.
«Korporatıvtik tabys salyǵy men ımporttyq keden bajy salyǵyna qatysty jospar oryndalmady. Korporatıvtik tabys salyǵy boıynsha jospardyń oryndalmaýy 2022 jylǵy 8 aıda 629 iri salyq tóleýshi boıynsha málimdelgen avanstyq tólemder somasynyń ótken jyldyń uqsas kezeńimen salystyrǵanda 26%-ke azaıýyna baılanysty. Importtyq keden bajdary boıynsha jospardyń oryndalmaýy geosaıası jaǵdaı men sanktsııalarǵa baılanysty boldy», - dedi mınıstr.
Sondaı-aq ol jergilikti bıýdjettiń kirisi 3,3 trln teńgege jetkenin aıtty.
«Jospar 345 mlrd teńgege, onyń ishinde salyqtar boıynsha – 323 mlrd teńgege asyra oryndaldy. Kirister boıynsha josparlar Túrkistan jáne Mańǵystaý oblystarynan basqa, barlyq óńirlerde nátıje jospardan joǵary»,- dedi Erulan Jamaýbaev. Foto:primeminister.kz
