Geosaıası táýekelder teńgege qatty qysym kórsetti

NUR-SULTAN. QazAqparat – Geosaıası táýekelder men rýbl baǵamynyń qubylmalylyǵy teńgege qatty qysym kórsetti. Bul týraly Ulttyq bank tóraǵasy Ǵalymjan Pirmatov aıtty, dep habarlaıdy QazAqparat tilshisi.

«Geosaıası táýekelder men rýbl baǵamynyń joǵary qubylmalylyǵy teńge baǵamyna qatty qysym kórsetti. Osy jaǵdaıda qarjy turaqtylyǵyn qamtamasyz etý jáne teńge baǵamyn turaqsyzdandyratyn aýytqýlarǵa jol bermeý maqsatynda valıýta naryǵyn teńdestirý jóninde birqatar sharalar qabyldandy», - dedi Ulttyq bank tóraǵasy Úkimettiń keńeıtilgen otyrysynda.

Ǵalymjan Pirmatovtyń atap ótýinshe, Ulttyq banktiń naqty valıýtalyq ınterventsııalary daǵdarys kezeńinde valıýta naryǵynyń qalypty jumys isteýin qamtamasyz etti.