Geosaıası ahýalǵa baılanysty Kaspıı qubyr konsortsıýmy buǵattalýy múmkin be
ASTANA. KAZINFORM – Ýkraına armııasynyń reseılik munaı óńdeý zaýyttaryna qarýly soqqysy Kaspıı qubyr konsortsıýmynyń buǵattalýyna alyp kelmeı me? Bul saýalǵa Energetıka mınıstri Almasadam Sátqalıev jaýap berdi.
Aıta keterligi, Kaspıı qubyr konsortsıýmy arqyly Qazaqstan munaı syrtqy naryqqa jetkiziledi.
«Halyqaralyq tutynýshylar, onyń ishinde eýropalyqtar da atalǵan qubyrdyń turaqty jumys istegendigine múddeli ekeni túsinikti. Biz eýropalyq memleketterdiń Elshilikterimen, Reseı Federatsııasyndaǵy áriptesterimizben Kaspıı qubyr konsrotsıýmynyń turaqty jumysyn qamtamasyz etý úshin baılanysyp otyrmyz. Dıplomatııalyq arnalar arqyly mundaı keńester Ýkraına tarapymen de júrgizilip jatyr», - dep atap ótti Almasadam Sátqalıev Úkimet otyrysynan keıingi brıfıngte.
