Geosaıası ahýal ýshyǵyp, álemdik munaı qymbattady
ASTANA. KAZINFORM — Taıaý Shyǵystaǵy geosaıası ahýal ýshyqqan tusta álemdik munaı baǵasy da óse bastady.
Oilprice derekterine sáıkes, 20 shilde tańerteńgi jaǵdaı boıynsha Brent markaly munaıdyń bir barreli 90,21 dollar bolyp, aldyńǵy saýda sessııasymen salystyrǵanda 2,40% qymbattady. Al WTI markaly munaıdyń baǵasy 84,24 dollarǵa jetip, 2,12% ósti.
Reseıdiń Urals markaly munaıy da qymbattap, bir barreli 66,84 dollar boldy. Bul aldyńǵy kórsetkishten 0,33% joǵary.
Aıta keteıik, munaı baǵasynyń ósýine Taıaý Shyǵystaǵy geosaıası shıelenistiń kúsheıýi áser etti. AQSh-tyń Iran aýmaǵyna jasaǵan kezekti soqqylarynan keıin naryqta munaı jetkizilimine qaýip tónýi múmkin degen alańdaýshylyq artyp, óńirdegi jaǵdaıdyń odan ári ýshyǵý qaýpi kúsheıdi.
Eske salaıyq, buǵan deıin AQSh Iranǵa jasalǵan kezekti soqqylardyń aıaqtalǵanyn málimdegen edi.
