Georgıı Jýkov «Aqtóbe» komandasynyń sapyna aýysty

ASTANA. KAZINFORM – 30 jastaǵy jartylaı qorǵaýshy resmı túrde «aq-qyzyldardyń» qataryna qosyldy. 

Eýrokýboktyq oıyn aldynda quramyn kúsheıtý úshin «Aqtóbe» basshylyǵy qataryna tájirıbeli oıynshylardy qosýdy josparlap otyr. Olar alǵashqy qadamyn erkin agent atanǵan qazaqstandyq fýtbolshy Jýkovtan bastady.  

Otandasymyz buǵan deıin polshalyq «Pýşa» klýbynda dop tepti. Alaıda Georgııdiń burynǵy komandasy maýsym sońynda tómengi dıvızıonǵa túsip qalǵan bolatyn. 

Aıta keteıik, «Aqtóbe» Eýropa lıgasynyń alǵashqy irikteý kezeńinde polshalyq «Legııamen» kim myqtyny anyqtaıdy. 

Buǵan deıin qazaqstandyq klýbtardyń Konferentsııa lıgasyndaǵy yqtımal qarsylastary týraly jazǵan bolatynbyz.