Geologtarǵa Prezıdent atynan memlekettik nagradalar tapsyryldy
ASTANA. Kásibı mereke – Geolog kúni qarsańynda Prezıdent Qasym-Jomart Toqaevtyń atynan Premer-mınıstr Oljas Bektenov geologııa salasynyń mamandaryna memlekettik nagradalardy tabys etti.
Bıyl Geolog kúni Jumysshy mamandyqtar jyly aıasynda atap ótiledi. Memleket basshysynyń tapsyrmasy boıynsha sala ókilderiniń eńbegin joǵary baǵalaý maqsatynda «Qazaqstannyń eńbek sińirgen geologi» jańa qurmetti ataǵy berildi.
«Bıyl elimizdiń tarıhynda alǵash ret geologterge arnalǵan memlekettik nagrada engizildi. Bul – Memleket basshysynyń elimizdiń ekonomıkalyq damýyna qosqan sizderdiń úlesterińizge degen joǵary baǵasy. Mamandardyń jańa býynyna baǵa jetpes bilim, tájirıbe jáne kásiptiń úzdik dástúrlerin úıretken sala ardagerlerine erekshe alǵys aıtamyz»,— dedi Oljas Bektenov.
Premer-mınıstr el ekonomıkasy qurylymyndaǵy geologııanyń mańyzdylyǵyn atap ótti. 2024 jylǵa Qazaqstan aýmaǵynyń geologııalyq barlaý kólemi 2 mln sharshy km-den asady, bul jalpy alańnyń shamamen 74%-yn quraıdy.
Memlekettik geologııalyq barlaý jumystary esebinen ótken jyldyń qorytyndysy boıynsha 38 jańa perspektıvaly ken orny anyqtaldy. 2025 jyly Qaraǵandy oblysynda sırek jer metaldarynyń qory 800 myń tonnadan asatyn Kúırektikól ýchaskesi ashyldy, al boljamdy resýrstar, onyń ishinde tserıı men lantanoıdtar 935 myń tonnadan asady dep baǵalanýda.
Oljas Bektenov búgin Memleket basshysy geologııalyq qoǵamdastyqtyń aldyna kómirsýtek áleýetin tereńdetip zertteý boıynsha mańyzdy mindetter qoıǵanyn atap ótti. Qazaqstanda 15 shógindi basseın anyqtalǵan, olardyń ishindegi eń irisi Kaspıı mańy bolyp sanalady – oǵan eldiń resýrstyq bazasynyń shamamen 80%-y tıesili. Az zerttelgen basseınderdi ıgerý resýrstyq bazany ulǵaıtý jáne ınvestıtsııalar tartý úshin aıtarlyqtaı perspektıvalar ashady.
Sala úshin joǵary bilikti mamandar daıarlaýǵa basa nazar aýdarylýda. Joǵary oqý oryndary bilim berý baǵdarlamalaryn óndirispen biriktirip, stýdentter jer qoınaýyn memlekettik geologııalyq zertteý nysandarynda tájirıbeden ótýde. Qabyldanǵan qoldaý sharalarynyń nátıjesinde sońǵy 2 jylda túlekter sany 2 eseden astam ósti.
Memleket basshysynyń tapsyrmasy boıynsha bıyldan bastap geologııalyq jumystardy qarjylandyrý kólemi artady.
Qazaqstan Respýblıkasy Prezıdentiniń Jarlyǵymen elimizdiń geologııa salasyn damytýǵa qosqan eleýli úlesi úshin «Qazaqstannyń eńbek sińirgen geologi» qurmetti ataǵy:
➤ Bıtımbaev Marat - Q.I.Sátbaev atyndaǵy Geologııa ǵylymdary ınstıtýty JShS bas ǵylymı qyzmetkeri, Almaty qalasy;
➤ Dáýkeı Serikbek – QR UǴA akademıgi, Almaty qalasy.
«Qurmet» ordeni:
➤ Haırly Ábilhasymov – geologııa salasynyń ardageri, Q. I. Sátbaev atyndaǵy Geologııa ǵylymdary ınstıtýtynyń bas ǵylymı qyzmetkeri, Almaty qalasy
➤ Ábilqasym Batyrov – geologııa salasynyń ardageri, Oral qalasy
➤ Áshiráli Bıjanov – geologııa salasynyń ardageri, Almaty qalasy➤ Jýkov Nıkolaı - Q.Sátbaev atyndaǵy Geologııa ǵylymdary ınstıtýty JShS Qara jáne tústi metaldar zerthanasynyń bas ǵylymı qyzmetkeri, Almaty qalasy
➤ Rahat Kýkeeva – «Baqyrshyq taý-ken óndirý kásiporny» JShS jetekshi geolog-barlaýshysy, Abaı oblysy
➤ Talǵat Mátishev – «Qazaqmys korporatsııasy» JShS geologııa departamenti geologııalyq barlaý qyzmeti bas geologiniń orynbasary, Qaraǵandy qalasy
➤ Baqytgúl Músıeva – «Geotek» JShS jetekshi geologi, Qaraǵandy qalasy
➤ Aleksandr Nıkolaenko – «Qarmet» AQ kómir basqarmasy Túsip Kúzembaev atyndaǵy shahtanyń bas geologi, Qaraǵandy qalasy
➤ Rýsnak Valerıı – Eńbek ardageri, Túrkistan oblysy.
ІІІ dárejeli «Eńbek Dańqy» ordenimen:
➤ Andreı Svetlıchnyı – «Professional Geo Solutions Kazakhstan» JShS bas geofızıgi, Almaty qalasy
«Eren eńbegi úshin» medaldary tabystaldy:
➤ Aqmaral Baısalova – «Q.Sátbaev atyndaǵy Qazaq ulttyq zertteý tehnıkalyq ýnıversıteti», Q.Turysov atyndaǵy Geologııa jáne munaı-gaz isi ınstıtýtynyń dotsenti, Almaty q.
➤ Gúlshat Ismaılova – «Mańǵystaýmunaıgaz» AQ geologııalyq barlaý basqarmasynyń geologııa bóliminiń bastyǵy, Mańǵystaý oblysy
➤ Komarova Natalıa – «Tsentrgeolsemka» JShS geologi, Qaraǵandy qalasy;
➤ Erǵalı Qurabaev – «Aqpan» JShS burǵylaý sheberi, Aqtóbe qalasy
➤ Nazıgúl Mınaeva – «Geologııalyq barlaý kolledji» QMKQ dırektory, Semeı qalasy
➤ Saıda Nyǵmatova – «Q.I.Sátbaev atyndaǵy Geologııalyq ǵylymdar ınstıtýty» jaýapkershiligi shekteýli seriktestiginiń mezozoı jáne kaınozoı geologııa zerthanasynyń meńgerýshisi, Almaty qalasy