Geologtar sýasty janartaýynyń atqylaýyn beınetaspaǵa túsirdi
ASTANA. Jeltoqsannyń 21-i. QazAqparat - Amerıkandyq geologtar alǵash ret joǵary dáldikpen sýasty janartaýynyń atqylaýyn beınetaspaǵa túsirip aldy,
dep habarlaıdy QazAqparat Lenta.rý saıtyna silteme jasap.
Túsirilimniń nysany retinde shyńy 1100 metr tereńdikte jatqan Batys Mata (West Mata) janartaýy alynǵan. Janartaý Samoa arhıpelagynan 200 shaqyrym qashyqtyqta ornalasqan.
Ǵalymdar avtomatty apparattyń kómegimen jalpy jıyny 50 saǵattyq beınematerıal túsirgen.
Ǵalymdardyń aıtýynsha, olarǵa barynsha jaqyn qashyqtyqtan sýasty janartaýynyń atqylaýyn baqylaýdyń sáti túsken. Túsirilimmen qatar, balqymalardyń synamalaryn alýdyń da oraıy kelgen, mundaı iske buryn-sońdy eshkimniń batyly barmaǵan. Aldyn ala zertteýler júrgizgen ǵalymdar jynystardyń qalyptasýyndaǵy kóptegen máselelerge kóz jetkizdi.
