Geologııalyq ǵylymı-zertteý ınstıtýtyn qurý máselesi qaralyp jatyr - QR Munaı jáne gaz vıtse-mınıstri
MATY. 6 qazan. QazAqparat /Erlik Erjanuly/ - Qazaqstannyń munaı qory birshama ulǵaıa túsýi múmkin. Oǵan aǵymdaǵy jyly ashylǵan jańa kenishter óz yqpalyn tıgizbek. Ony Munaı jáne gaz vıtse-mınıstri Lıazzat Qıynov búgin Almatyda ótip jatqan 19-shy qazaqstandyq "Munaı jáne gaz" halyqaralyq konferentsııasynda aıtty.
"Qazaqstan geologııalyq barlaý jaǵynan keńes dáýirinde jetekshi respýblıka boldy. Alaıda sol kezde qol jetkizgen jetistikterdi ustap tura almadyq. Qazir biz sol kezde jasalǵan málimetterdi áli qoldanyp kele jatyrmyz. Sondyqtan bul saladaǵy jumystardy jandandyrý maqsatynda úkimet tarapynan túrli sharalar jasalýda. Máselen Geologııalyq ǵylymı -zertteý ınstıýtyn qurý máselesi qarastyrylyp jatyr", - deıdi L.Qıynov. Onyń aıtýynsha, Qazaqstan geologııalyq barlaý salasyndaǵy zertteý jumystaryn qajetti deńgeıge kótere alady. Qazirgi eldegi tabıǵat baılyqtarynyń qory týraly málimetterdiń bári burynǵy zertteý jumystary nátıjesinde anyqtalǵan derekter negizinde jasalyp otyr.
