Geologııalyq barlaýda Jerdi qashyqtan zondtaýdyń jańa ádisterin qoldaný kerek - Mamın
«QR Tuńǵysh Prezıdenti - Elbasy Nursultan Nazarbaev ekonomıkanyń dástúrli óndirýshi salalarynyń tıimdiligin arttyryp, Qazaqstandy geologııalyq barlaýdyń álemdik naryǵyna shyǵarý mindetin qoıdy. Munaı-gaz ben taý-ken metallýrgııasy salalaryn ornyqty shıkizat bazasymen qamtamasyz etý qajet. Qazirgi ken oryndary birtindep, sarqylýda. Sonymen birge búgingi kúni Qazaqstan aýmaǵyn zertteý deńgeıi 25 paıyzdan sál ǵana asyp otyr. Osyǵan baılanysty Memleket basshysy Qasym-Jomart Toqaev Úkimetke geologııalyq barlaýdyń memlekettik baǵdarlamasyn ázirleýdi tapsyrdy», -dep atap ótti Úkimet basshysy.
Premer-Mınıstrdiń aıtýynsha, bolashaq memlekettik baǵdarlamanyń tujyrymdamasy geologııalyq salanyń ınvestıtsııalyq tartymdylyǵyn arttyryp, Qazaqstandy geologııalyq barlaýdyń álemdik naryǵyna shyǵarýǵa baǵyttalǵan.
«Jalpy, usynylǵan tásilderdi qoldaımyz. Geologııalyq barlaýdyń memlekettik baǵdarlamasyn tıimdi iske asyrý arqyly 1 teńge salyp, salaǵa 4 teńgege deıin qosymsha jeke ınvestıtsııa tartýǵa bolady. Elimizdiń, ásirese monoqalalardyń mańynda mıneraldyq shıkizat bazasyn molyqtyrý ekonomıkaǵa oń áserin tıgizip, ónerkásip salalaryn damytý úshin naqty negiz bolady. Munan basqa, jańa ken oryndaryn ashqan kezde jańa óndiristik keshender qurylady. Bul 6 trln teńgege deıin ınvestıtsııa tartyp, 20 myńǵa jýyq jumys oryndaryn ashýǵa múmkindik beredi. Geologııalyq barlaý jumystaryn júrgizgen kezde geofızıkalyq zertteý men Jerdi qashyqtan zondtaýdyń jańa ádisterin qoldaný kerek. Ekologııa, geologııa jáne tabıǵı resýrstar mınıstrligine osy jyldyń 31 mamyryna deıin memlekettik baǵdarlama jobasyn Úkimetke engizýdi tapsyramyn», - dedi Asqar Mamın.
Aıta keteıik, búgin Úkimet otyrysynda QR Ekologııa, geologııa jáne tabıǵı resýrstar mınıstri Maǵzum Myrzaǵalıev Geologııalyq barlaýdyń 2021-2025 jyldarǵa arnalǵan memlekettik baǵdarlamasynyń tujyrymdamasyn tanystyrǵan edi.
