Geologııalyq barlaýda yntalandyrý ádisterin tıisti deńgeıde qarastyrý qajet - depýtat E. Nyǵmatýlın (FOTO)
ASTANA. QazAqparat - Jer qoınaýyn paıdalaný salasyndaǵy zańnamaǵa bes jyldyń ishinde 23 márte ózgertýler engizildi. Bul týraly búgin Astanada «Jer qoınaýy men jer qoınaýyn padalaný týraly» QR Kodeksiniń tujyrymdamasy jobasyn talqylaýǵa arnalǵan «dóńgelek ústelde» QR Parlamenti Senatynyń depýtaty Erlan Nyǵmatýlın málim etti.
«Ókinishke qaraı, jer qoınaýyn paıdalaný salasynda bizdiń zańnama uzaq merzimde eleýli ózgeristerge ushyrady. 2010 jyly qabyldanǵan qazirgi qoldanystaǵy «Jer qoınaýy men jer qoınaýyn padalaný týraly» zańy 2011 jyly bes pýnkt boıynsha ózgerteldi. 2012 jyly osy zań 39 pýnkt boıynsha ózgeriske ushyrady, al 2014 jyly atalǵan zańnamanada Úkimettiń bastamasymen 270 ózgertý oryn aldy. Jalpy alǵanda, bes jyldyń ishinde ózgertýler 23 márte engizildi», - dep toqtaldy depýtat.
Osy oraıda ınvestorlar saladaǵy turaqtylyq jaǵdaıynda ǵana tartylatyndyǵyn jáne zańnamada olardyń kelýine qolaıly jaǵdaı jasalýy kerektigin atap ótti.
E. Nyǵmatýlınniń sózine qaraǵanda, kodekste «óndirý», «bastapqy óńdeý», «baıytý» sekildi uǵymdarǵa naqty túsinikteme berý kerek. ıAǵnı, óndirý men qaıta óńdeýdi ajyratý máselesinde sońǵy núkte qoıý qajet.
«Búginde geologııalyq barlaýǵa da jetkilikti nazar aýdarý kerek. Bul turǵydaǵy barlaý jumystaryn yntalandyrý ádisterin tıisti deńgeıde qarastyrý qajet bolyp tur. Qazirgi kezde paıdalanyp jatqan jer qoınaýynyń barlyǵy keńestik kezeńde tabylǵan qorlar. Atap aıtqanda, osy baǵytta serpilis bolýy úshin geologııalyq barlaýǵa qajetti túzetýlerdi engizýimiz mańyzdy», - dedi depýtat.
