Geologııalyq barlaý salasynda Úkimettiń kemshiligi bar ekenin jaqsy túsinemin — Prezıdent

ASTANA. KAZINFORM — Qazaqstan geologııalyq barlaý salasyndaǵy keıbir kemshilikterin joıýǵa daıyn. Bul týraly QR Prezıdenti janyndaǵy Sheteldik ınvestorlar keńesiniń 36-shy plenarlyq otyrysynda Memleket basshysy Qasym-Jomart Toqaev aıtty.

«Qazaqstanda 4 500-den astam ken orny bar biregeı mıneraldyq resýrstarǵa ıe. Biz paıdaly qazbalardy barlaý men óndirýdi retteýdi álemdegi eń bir rettelgen, progressıvti jáne ashyqqylamyz. Osy maqsatta geologııalyq barlaýǵa jeke ınvestıtsııalar nebári alty jyl ishinde 1 mıllıard dollardan asty. Endigi ýaqytta Qazaqstan aýmaǵynyń 1,6 mıllıon sharshy shaqyrymy geologııalyq zertteý úshin qoljetimdi», — dedi Memleket basshysy.

Prezıdent Qazaqstan naryǵyna Rio Tinta, Fortescue, HMS Bergbao, Kratos Resources, Cove Capital sııaqty jahandyq oıynshylar engenin atap ótti. 

«Sonymen qatar, men osynaý mańyzdy salada Úkimettiń áli de keıbir kemshiligi bar ekenin jaqsy túsinemin. Jáne de biz osy kemshilikterdi durys joıý jáne naqty osy saladaǵy ınvestıtsııalyq klımatty jaqsartý úshin olardy muqııat qarastyrýǵa daıynbyz ári mindetti túrde zerdeleımiz», — dedi Qasym-Jomart Toqaev.

Buǵan deıin Qazaqstan tehnıkalyq jáne kásiptik bilim berý sapasyn arttyrýǵa daıyn ınvestorlardy izdeıtindigin jazǵan edik.