Geologııa jáne jer qoınaýyn qorǵaý mınıstrligin qurý shyǵyndy ári memlekettik qyzmetshiler sanyn arttyrady – Oljas Bektenov
ASTANA. KAZINFORM – Geologııa jáne jer qoınaýyn qorǵaý mınıstrligin qurý shyǵyndy ári memlekettik qyzmetshiler sanyn arttyrady. Bul týraly Májilis depýtattarynyń saýalyna Premer-Mınıstr Oljas Bektenovtiń jaýabynda aıtylǵan.
«2022-2023 jyldary barlaý, óndirý kelisimsharttary jáne barlaýǵa arnalǵan lıtsenzııalardy tekserý júrgizilip, nátıjesinde óz mindettemelerin oryndamaıtyn jer qoınaýyn paıdalanýshylardan lıtsenzııalar qaıtaryp alyndy ári kelisimsharttar buzyldy. 2024 jyly jer qoınaýyn paıdalanýshylar qyzmetin odan ary baqylaý maqsatynda shamamen 250 qosymsha kóshpeli tekserý josparlanyp otyr. Joǵaryda aıtylǵandardy eskere otyryp, Úkimet geologııalyq salany kezeń-kezeńmen jańǵyrtýdyń qajetti sharalaryn qabyldady. Ortalyqtandyrylǵan basqarý strategııasynda jańa qaıta qurý jalpyulttyq josparlardy júzege asyrý merzimin ulǵaıtýǵa, memlekettik qyzmetshilerdiń shtattyń sanyn arttyrýǵa jáne memlekettik bıýdjetten qosymsha qarjylaı shyǵynǵa alyp keledi. Osylaısha, Úkimettiń mıneraldy-shıkizattyq bazany tolyqtyrý jáne jer qoınaýyn qorǵaý bóliginde júrgizip otyrǵan saıasaty alǵa qoıylǵan barlyq mindettiń oryndalýyn qamtamasyz etedi», - dedi Oljas Bektenov jaýabynda.
