Geologııa salasy qosymsha qarjylandyrylmaq
ASTANA. QazAqparat - Búgin Úkimet otyrysynda Premer-Mınıstr Baqytjan Saǵyntaev geologııalyq barlaý jumystaryn kúsheıtýge qatysty tapsyrmalar berdi, dep habarlaıdy QazAqparat.
«Bizdegi negizgi mıneraldy shıkizat bazasy burynnan belgili nysandardy qaıta baǵalaý jáne jete zertteleý esebinen tolyǵyp otyr. ıAǵnı jeke ınvestorlardy tartý jumysy tıisti deńgeıde emestigin baıqatýda. Qazirgi kezde birqatar jumystar atqarylyp jatyr, osy oraıda qajetti sharalar bastaldy. Kodekske tıisti ózgerister de engizildi. Aldaǵy ýaqytta oń sheshimderdi kútemiz», -dedi B. Saǵyntaev.
Osyǵan baılanysty Úkimet basshysy jer qoınaýyn paıdalaný salasyndaǵy ókiletti organdarǵa elimizdiń mıneraldy shıkizat bazasyn tolyqtyrý jóninde tıimdi jumystardy atqarýdy tapsyrdy.
«Investıtsııalar jáne damý mınıstrligi strategııalyq áriptesterdi tartý maqsatynda perspektıvaly ýchaskelerdi anyqtaý úshin geologııalyq barlaý jumysyn kúsheıtýi qajet. Bul maqsatta Qazgeologııanyń qýatyn barynsha tolyq paıdalaný kerek. Qarjy mınıstrligi múddeli memlekettik organdarmen birge geologııa salasyn qosymsha qarjylandyrý máselesin pysyqtasyn», - dedi Premer-Mınıstr.
Sonymen qatar ol ekologııalyq jaǵdaı nazardan tys qalmaýy kerektigin atap ótti.
«Taǵy bir másele ekologııaǵa baılanysty. Óz qyzmetin júrgizgennen keıin ken izdeýshilerdiń ekologııalyq ahýal men óńirlerdiń ekojúıesin buzbaýyn qadaǵalaý mańyzdy. Jergilikti atqarýshy organdar bul baǵytty muqııat baqylaýda ustaýlary qajet», - dedi Baqytjan Saǵyntaev.
