Geologııa salasyn damytýǵa jeke kapıtal tartý Úkimettiń asa mańyzdy mindeti - Prezıdent
ASTANA. KAZINFORM — Geologııa salasyn damytýǵa jeke kapıtal tartý Úkimettiń asa mańyzdy mindeti. Bul týraly Úkimettiń keńeıtilgen otyrysynda Memleket basshysy Qasym-Jomart Toqaev aıtty.
- Munaı-gaz hımııasy jáne basqa da negizgi salalardaǵy óńdeý ónerkásibin damytý úshin resýrstar qoryn tolyqtyrý óte mańyzdy. Qazir Úkimet tikeleı memlekettik ınvestıtsııaǵa úmit artyp otyr. Aldaǵy úsh jylda bıýdjetten geologııalyq barlaý jumystaryna 500 mıllıon dollarǵa jýyq qarjy bólý josparlanǵan. Bul ótken otyz jylda jumsalǵan qarajatpen teń. Bul, árıne, durys, biraq báribir jetkiliksiz, - dedi Memleket basshysy.
Prezıdent geologııa salasyn damytýǵa jeke kapıtal tartý Úkimettiń asa mańyzdy mindeti bolyp qala beretinin basa aıtty.
- Onsyz geologııalyq barlaý jumystary árdaıym qazynadan bólinetin qarjyǵa táýeldi bıýdjettik joba bolyp qalýy múmkin, - dedi Qasym-Jomart Toqaev.
Buǵan deıin Prezıdent memleket jeke kapıtal rólin ózine alýdan bas tartýy qajettigin aıtqan edi.
