Geologııa komıteti 30 jylda 12 ret mınıstrlik aýystyrǵan

Qazaqstan geologtarynyń tuńǵysh sezinde Geologııa komıtetiniń tóraǵasy Erlan Aqbarov keıingi 30 jylda óz vedomstvosynyń 12 ret qaıta qurylymdalǵanyn aıtty.

Onyń paıymynsha, mundaı turaqsyzdyq salanyń damýyna keri áserin tıgizbeı qoımaǵan, dep habarlaıdy QazAqparat tilshisi.

«Bizdiń komıtet Ónerkásip jáne qurylys mınıstrliginiń quramyna ótkenin bilesizder. Jalpy keıingi 30 jylda bizdik komıtet 12 ret qaıta qurylymdaýdy bastan ótkergen eken. Ár qaıta qurylymdaýǵa 6 aı ýaqyt ketedi desek, 30 jyldyń 7 jyldaı ýaqytyn mınıstrlikter arasynda kóshýge jumsaǵanbyz. Árıne, munyń bári salanyń damýyna, komıtet jumysyna kedergi keltirgeni sózsiz», - deıdi komıtet basshysy.

Sondaı-aq, ol Qazaqstanda iri ken oryndary qalmaǵanyn aıtady.

«Memleketke tehnologııalar ázirleý jaǵyna basymdyq berý qajet. Óz tehnologııamyz bolmasa, jerimizdiń astynda orasan baılyq jatqanymen, shıkizattyń ózin áli de syrttan eksporttaı beremiz. Al bizge áldeqaıda tereńdetilgen qaıta óńdeýge kóshý kerek. Іri kenishter dáýiri ótti. Biz qazir geolgııalyq turǵydan óte kúrdeli, jer astynda júzdegen, myńdaǵan metr tereńdikte jatqan «soqyr» kenishterdi» zerttep jatyrmyz. Mundaı iste túbegeıli jańa tásilder men tehnologııalardy qoldanyp, geologııanyń jańa qaterlerine daıyn bolý qajet», - dedi Erlan Aqbarov.