Geolog kúni – el damýyna úles qosqan mamandar merekesi

ASTANA. KAZINFORM – Búgin, sáýir aıynyń birinshi jeksenbisinde geologtardyń kásibı merekesi atap ótiledi. Bul – jer qoınaýyn zerttep, tabıǵı resýrstardy anyqtaý arqyly el ekonomıkasynyń damýyna tikeleı úles qosyp júrgen mamandardyń eńbegin aıshyqtaıtyn erekshe kún.

Qoınaýy qutty elimizdiń jerasty baılyǵyn barlaý, jańa ken oryndaryn ashý jáne olardy tıimdi ıgerý – geologtardyń negizgi mindeti.

- Otandyq munaı-gaz salasynyń qalyptasýynda da osy salanyń maıtalmandary sheshýshi ról atqardy. Olardyń qajyrly eńbeginiń arqasynda ashylǵan ken oryndary búginde el ıgiligine qyzmet etip keledi, - dep jazdy QazMunaıGazdan.

Qazaq munaıynyń qara shańyraǵy sanalatyn Embi óńiri – talaı kásibı geologtardy tárbıelegen iri óndiristik mektep. Bul aımaq elimizdiń munaı ónerkásibiniń damýyna tarıhı turǵyda zor úles qosqan.

Aıta keteıik, Úsh jylda geologııalyq barlaý salasyna 280 mlrd teńge jeke ınvestıtsııa tartyldy.