Geografııadan Eýropa olımpıadasynda qazaqstandyq oqýshylar 6 medal aldy

ASTANA. QazAqparat – Serbııanyń Belgrad qalasynda álemniń 9 elinen 98 oqýshy qatysqan eýropalyq geografııalyq olımpıada (EGeO) aıaqtaldy. Oǵan 6 oqýshydan turatyn Qazaqstan ulttyq quramasy da qatysyp, 6 medal jeńip aldy, dep habarlaıdy QazAqparat Oqý-aǵartý mınıstrligine silteme jasap.

Jeńimpaz oqýshylar:

- Aqtóbe qalasynyń fızıka-matematıka baǵytyndaǵy Nazarbaev zııatkerlik mektebiniń (FMB NZB) 11-synyp oqýshysy Sanjar Hamıtov –– altyn medal;

- Astana qalasynyń NZM 11-synyp oqýshysy Aıda Davletova –– kúmis medal;

- Shymkent qalasynyń hımııa-bıologııa baǵytyndaǵy Nazarbaev zııatkerlik mektebi (HBB NZM) 10-synyp oqýshysy Qanat Serikbaı –– kúmis medal;

- Shymkent qalasynyń HBB NZM 10-synyp oqýshysy Ársen Sydyqov –– qola medal;

- Aqtóbe qalasynyń FMB NZM 10-synyp oqýshysy Álıhan Qalmaǵambetov –– qola medal;

- Jambyl oblystyq daryndy balalarǵa arnalǵan mamandandyrylǵan «Daryn» lıtseı-ınternatynyń 10-synyp oqýshysy Sabyr Jomart –– qola medal.

«EGeO 2015 jyldan beri ótkizilip keledi. Olımpıada jazbasha testileý, mýltımedııalyq test jáne dalalyq týrdy qamtıdy. Tapsyrmalar tek aǵylshyn tilinde berildi», – deıdi top jetekshisi Abaı Dúısen.

Aıta keteıik, ótken jyly qurama komanda 1 altyn, 1 kúmis jáne 4 qola medal jeńip alǵan bolatyn.