Genomdyq tehnologııalardy jedel damytý úshin ǵylymı-tehnıkalyq baǵdarlama qajet – Kúnsulý Zakarııa
«Elimizde ózderiniń genomdyq tehnologııalardy paıdalanatyn bar-joǵy birneshe zertteý ınstıtýty men joǵary oqý oryndary bar. alaıda, olardyń arasynda da ıntegratsııa men kooperatsııa baılanysy ornatylmaǵan. Bul jaǵdaı qolda bar kadrlyq jáne materıaldyq resýrstardy tıimdi paıdalanýǵa kedergi bolyp otyr. Ókinishke qaraı eldiń bıologııalyq qaýipsizdigin nyǵaıtýda genomdyq tehnologııalardyń damýy men úlesi tómen. Ol óz kezeginde ulttyq jáne bıologııalyq qaýipsizdikke nuqsan keltirýi múmkin. Genomdyq tehnologııalardy jedel damytý jáne eldiń bıologııalyq qaýipsizdigin nyǵaıtýdy qamtamasyz etý maqsatynda bizge uzaqmerzimdi ǵylymı-tehnıkalyq baǵdarlama ázirleý qajet. Atalǵan baǵdarlama Qazaqstandaǵy barlyq genomdyq zerthanalardy biregeı ǵylymı tehnologııalyq klasterge biriktirýge múmkindik beredi jáne ozyq ǵylymı sheshimderdi ázirleýdi qamtamasyz etedi. Bul klasterdi qurý ortamerzimdi bolashaqta derekterdiń úlken kólemin saqtaý jáne taldaý tehnologııasyn qamtamasyz etý úshin bıoaqparattyq baǵytta bıgdata ortalyǵyn qalyptastyrýǵa múmkindik beredi», - dedi ǵalym.
Onyń atap ótinshe, osy tehnologııalardy engizýdi zańnamalyq qamtamasyz etý jáne kadrlardy daıyndaý máseleleri de mańyzdy.
«Mysaly, elimizde zertteý júrgizýde genomdyq tehnologııalardy paıdalaný máselesi normatıvtik deńgeıde rettelmegen. Baǵdarlamany nysanaly qarjylandyrý boıynsha kózdelgen qarajat aıasynda iri ǵylymı zertteýler júrgizý úshin zamanaýı jabdyqtar men aspaptardy satyp alýǵa megagranttardy engizý qajet. Bul óte ózekti másele. Konkýrstyq negizde ǵylymı ınfraqurylymdy damytýdyń, granttyq qarjylandyrýdyń ujymdyq paıdalanýǵa jáne jańa zerthanalardy qalyptastyrý, qolda bar zerthanalardy jańǵyrtý úshin barlyq shyǵystardy eskeretin jańa nysany qajet. Ǵylymı ınfraqurylymdy jańǵyrtý búgingi kúnniń basty máselesi. Ǵımarattar men zerthanalardy zamanýı talaptarǵa saı jóndeý jáne salýdy tezdetip qolǵa alý qajet», - dedi Kúnsulý Zakarııa.
