Gennadıı Shıpovskıh: Birligimizge syzat túsirmeıik
«Jambyl oblysy Qordaı aýdanynda bolǵan jaıt ózekti órteıdi. Sol keleńsizdikte qaza bolǵan jandardyń otbasyna qaıǵyryp kóńil aıtamyn. Men barlyq qazaqstandyqty sabyrǵa shaqyrǵym keledi. Memleket basshysynyń málimdeme jasaǵanyn bilesizder. Bul oqıǵaǵa qatysty kináli tulǵalar anyqtalyp, zańǵa baılanysty óz jazalaryn alady. Arnaıy komıssııa qurylyp, bul jaısyzdyqty tolyq baqylaýda ustap, óz sheshimderin shyǵarmaq. Elimizdiń basty baılyǵy – ulttar birligi ekenin umytpaıyq, Elbasynyń beıbitshilik pen tatýlyqty tý etken saıasatynyń arqasynda osyndaı beıbit kúndi keship kelemiz emes pe?! El birliginiń saqtalýyna, dáriptelýine Qazaqstan halqy Assambleıasynyń da qosyp jatqan úlesi bar. Osy sekildi oqıǵalardy týdyratyn arandatýshylarǵa jol bermeýimiz kerek», - deıdi Gennadıı Shıpovskıh.
Májilismen birligimiz ben beıbitshiligimizdi buzýshylardyń pıǵylyna kese kóldeneń turý kerektigin aıtyp ótti.
«Táýelsiz Qazaqstan shańyraǵynyń astynda qazaq, ózbek, orys – bári de baıandy ǵumyr keship keledi. Ol bizdiń birligimizdiń, yntymaǵymyzdyń arqasy! Sol sebepti arandatýǵa ermeı, barynsha sabyrly bola bileıik! Birligimizge syzat salmaıyq!» - deıdi ol.
Foto: assembly.kz
