Gennadıı Golovkınniń úzdik 5 jekpe-jegi qandaı

NUR-SULTAN. QazAqparat - HighlightsPH Youtube arnasy qazaqstandyq boksshy Gennadıı Golovkınniń eń úzdik bes jekpe-jegin iriktep, kórermen nazaryna usyndy, dep habarlaıdy QazAqparat.

Bul sholýǵa Golovkınniń Davıd Lememen, Denıel Djeıkobspen, Kell Brýkpen aıqasy jáne Saýl Alvarespen bolǵan eki jekpe-jegi engen.

Onyń ishinde eń úzdigi retinde GGG men «Kanelonyń» judyryqtasýyn kórsetken. Bul kezdesýde ekeýi ádilqazy sheshimimen teń túsken bolatyn.

Eske sala keteıik, Golovkın men Saýl Alvarestiń úshinshi aıqasy osy jyldyń sońynda nemese kelesi jyly ótedi dep josparlanyp otyr.