Gennadıı Golovkınniń sýreti bar «Tsesnabank» pen «MasterCard» kartochkalary shyǵarylatyn bolady
ASTANA. QazAqparat - Qazaqstandyq kásipqoı boksshy Gennadıı Golovkın Astanaǵa at basyn burdy. Ol 29 qańtar kúni Almatyda baspasóz máslıhatyn ótkizedi dep kútilýde.
El abyroıyn halyqaralyq arenada asqaqtatyp júrgen boksshyny Astana jurtshylyǵy qushaq jaıa qarsy aldy. GGG ulttyq taǵamdardan dám tatyp, jınalǵan jankúıerlerge alǵysyn aıtty. Boksshy búgin «Tsesnabanktyń» bas keńsesinde baspasóz máslıhatyna qatysady.
- Baspasóz máslıhatyna Gennadıı Golovkın «Tsesnabanktyń» áleýmettik jáne qarjylyq jobasynyń beldi múshesi retinde qatysady. Aldaǵy ýaqytta «Tsesnabank» AQ pen Halyqaralyq «MasterCard» tólem júıesinde qazaqstandyq boksshynyń sýreti men qoly qoıylǵan bank kartochkalary shyǵady. Kez kelgen jankúıer súıikti boksshysynyń beınesi salynǵan bank kartochkalaryn ala alady, - dep jazady today.kz-ke siltememen massaget.kz.
29 qańtar kúni Gennadıı Golovkın Almatyda baspasóz máslıhatyn ótkizedi. Tilshilermen ótetin kezdesýde boksshy «Samsung Electronics» kompanııasymen aradaǵy yntymaqtastyq kelisim týraly aıta ketetin bolady.
