Gennadıı Golovkınniń sheteldik P4P reıtıngindegi orny qandaı

NUR-SULTAN. QazAqparat – BoxingPlug.com saıty óz nusqasy boıynsha salmaq dárejesine qaramastan (pound-for-pound) álemniń úzdik boksshylarynyń reıtıngin jarııalady, dep habarlaıdy QazAqparat Sports.kz portalyna silteme jasap.

Olardyń reıtınginde meksıkalyq Saýl «Kanelo» Alvares kósh bastap tur.

Sondaı-aq úzdik úshtiktiń qataryna amerıkalyq boksshylar Terens Kroýford pen Errol Spens engen.

IBF jáne IBO nusqalary boıynsha orta salmaqtaǵy álem chempıony, qazaqstandyq Gennadıı Golovkın jetinshi orynǵa turaqtaǵan.

Olardan bólek TOP-10 boksshynyń qatarynda Taıson Fıýrı, Teofımo Lopes, Naoıa Inoýe, Artýr Beterbıev, Aleksandr Ýsık jáne Djosh Teılor bar.

Eske sala ketsek, jeltoqsannyń ortasynda Golovkın orta salmaqtaǵy álem chempıony tıtýlyn 21-shi ret qorǵap, rekord ornatqan bolatyn.