Gennadıı Golovkınniń onlaın-dúkeninde GGG brendiniń taýarlary satylady
ASTANA. QazAqparat - Endi GGG brendiniń taýarlaryn qazaqstandyq boksshynyń resmı saıtyndaǵy ınternet-dúkeni arqyly alýǵa bolady. Bul týraly Instagram-daǵy gggpromotions paraqshasynda habarlandy.
Taýarǵa Gennadıı Golovkınniń www.gggboxing.com resmı saıtynyń shop bóliminde tapsyrys berýge bolady. Munda tek álemge tanymal GGG logotıpi salynǵan fýtbolkalar men beısbolkalardy, posterlerdi ǵana emes, sonymen birge syrtynda boksshynyń Qazaqstan týynyń fonynda túsken sýreti bar iPhone-ǵa arnalǵan telefon qabyn alýǵa bolady. Taǵy bir atap ótetini, birneshe kún buryn Golovkın tanymal «MAXIM» jýrnaly úshin sýretke tústi. Eske sala keteıik, 18 qazanda Gennadıı Golovkın Karsondaǵy (AQSh, Kalıfornııa) StubHUB rınginde meksıkalyq Marko Antonıo Rýbıomen kezdesip, ony ekinshi raýndta-aq nokaýtqa túsirgen bolatyn.
