Gennadıı Golovkınniń kezdesýi yqtımal qarsylasy jeńiske jetti
ASTANA. QazAqparat - Jańa ǵana Monrealda (Kanada) IBF nusqasy boıynsha orta salmaqtaǵy chempıondyq ataq úshin jekpe-jek aıaqtaldy. 26 jastaǵy jergilikti boksshy Davıd Leme 31 jastaǵy frantsýz boksshysy Hassan N'Dam N'Jıkammen kezdesti.
Leme shıraq qımyldap, birden basymdyqqa ıe boldy, qarsylasyn sharshy alańnyń tósenishine tórt ret qulatty (ekinshi raýndta, besinshi raýndta eki ret jáne jetinshi raýndta). Jekpe-jektiń aıaǵyna taman jaǵdaıdy ózgertkisi kelgen N'Jıkam baryn salyp baqty. Rıngte basymdyq ta tanytty. Biraq kesh edi. On eki raýndtyń qorytyndysy boıynsha barlyq tóreshiler jeńisti Lemege berdi, dep jazady sports.kz.
Esterińizge sala keteıik, áýelde kanadalyq sportshy jekpe-jekke Gennadıı Golovkındi shaqyrǵan, artynsha Gennadııdiń promoýteri Tom Leffler kanadalyq pen frantsýz arasyndaǵy jekpe-jektiń jeńimpazy «Golovkın úshin ómirge beıimdi nusqa» bolatynyn málimdedi.
