Gennadıı Golovkınniń kelesi jekpe-jegi kóktemde ótetin boldy

NUR-SULTAN. QazAqparat - Qazaqstandyq boksshy Gennadıı Golovkınniń kelesi jekpe-jegi kóktemde ótetin boldy, dep habarlaıdy Sports.kz.

Negizi, áý basta 37 jastaǵy qazaqstandyq sportshy rıngke 8 nemese 29 aqpanda oralady degen jospar bolǵan. Degenmen, polshalyq Kamıl Sheremetamen ótetin tıtýldy aıqas 28 naýryzǵa belgilendi. Sheremeta IBF jelisi boıynsha Golovkınniń mindetti qarsylasy, al jekpe-jek AQSh-tyń Illınoıs shtatyndaǵy Chıkago qalasynda ótýi múmkin.

Eske sala keteıik, Gennadıı Golovkın ótken jyldyń qazan aıynda ýkraınalyq boksshy Sergeı Derevıanchenkony jeńip, óziniń IBF belbeýin qaıtaryp alǵan bolatyn.