Gennadıı Golovkınniń kelesi jekpe-jegi Astanada ótedi
ASTANA. QazAqparat - Qazaqstandyq boksshy Gennadıı Golovkın kelesi jekpe-jegin "Astana-Arena" stadıonynda ótkizedi, dep xabarlaıdy QazAqparat tilshisi.
"17 maýsym kúni "Astana-Arena" stadıonynda Gennadıı Golovkın kásipqoı bokstaǵy 38-shi jekpe-jegi ótkizetin bolady. Qazir kelissózder júrgizilip jatyr. Bul - 80 paıyzǵa rastalǵan aqparat. Qazaqstan kásipqoı boks federatsııasynyń prezıdenti Erlan Bekxojın men WBC prezıdenti Maýrısıo Sýleıman arasynda osyndaı kelissóz bolǵan. EKSPO aıasynda ótetin tamasha jekpe-jekti aıta keteıik. Sondaı-aq, 9-shy qyrkúıekte qazaqtyń qaısar boksshysy Qanat Islam da jekpe-jek ótkizedi", - dedi "Qazaqstan" telearnasynyń sport sholýshysy.
Taǵy bir aıta ketkenniń artyqtyǵy bolmas, búgingi jekpe-jekte orta salmaqta WBA (Super), IBO, WBC jáne IBF nusqalary boıynsha álem chempıony Gennadıı Golovkın (36-0, 33 KO) kezekti jeńisine qol jetkizip, barlyq belbeýlerin qorǵap qaldy. Alaıda úzdiksiz nokaýttar serııasy osymen aıaqtaldy. Al Denıel Djeıkobs (32-1, 29 KO) óziniń sporttyq mansabynda ekinshi ret jeńilis tapty.Jekpe-jekten keıin Gennadıı Golovkın osy jolǵy aıqasty 12-shi raýndqa deıin jetkizýdi kózdemegenin jetkizdi .
