Gennadıı Golovkınniń kelesi jekpe-jegi 16 mamyrda ótýi yqtımal
ASTANA. QazAqparat - Orta salmaqtaǵy (72,6 kg deıin) WBA/IBO/WBC Interim chempıony Gennadıı Golovkınniń (32-0, 29 KO) kelesi kezdesýi aldyn ala málimetter boıynsha 16 mamyrda AQSh-ta ótedi dep josparlanýda jáne mindetti túrde NVO telearnasy arqyly kórsetilmek.
Bul týraly K2 Promotions kompanııasynyń dırektory Tom Leffler málim etti.
"Gennadııdiń San-Antonıoda jankúıerleri kóp. Olar bizdi óz qalalarynda jekpe-jek ótkizýdi suraýda. Las-Vegas ta jaqsy bolar edi. Nıý-Iorkte biz táp-táýir jarnama jasap kettik. Endi eldiń ár túkpirine baryp, judyryqtasýǵa bolady", - dep atap ótti ol.
Eske sala keteıik, qazaqstandyq boksshy 2015 jyly 4 kezdesý ótkizbekshi.
