Gennadıı Golovkınniń kelesi qarsylasy anyqtaldy
ASTANA. QazAqparat - Qazaqstandyq boksshy Gennadıı Golovkınniń kelesi qarsylasy ırlandyq Endı Lı bolmaq, dep habarlaıdy Vesti.kz.
Internet-portaldyń derekterine súıensek, taraptar barlyq máselelerde biraýyzdan kelisimge kelgen, kelesi aptada kúres týraly resmı túrde jarııalanady. Kezdesý 26 sáýirde "Medıson Skver Gardende" ótetin syńaıly.
"Kelissózder eki aptadan beri jalǵasyp keledi. Kelisimge qol qoıatyn kún jaqyndap ta qalǵan sııaqty. Árıne, bul anaý-mynaý jekpe-jek emes. Men sharshy alańda kózge túse qoımaýym múmkin, biraq óz múmkindigimdi qalt jibermeıtin qabiletimdi der kezinde kórsetetinime 100 paıyzǵa senimdimin. Kópshiligi álem chempıony bolǵysy keledi, men de esemdi eshkimge bermeımin", - deıdi Endı Lı.
