Gennadıı Golovkınniń kásibı rıngtegi 30-shy urysyndaǵy qarsylasy ataldy
ASTANA. 22 jeltoqsan. QazAqparat - NVO telearnasynyń sport bólimshesiniń prezıdenti Ken Hershman WBA nusqasy boıynsha orta salmaqtaǵy álemniń sýperchempıony qazaqstandyq Gennadıı Golovkınmen rıngke shyǵatyn áleýetti qarsylastardyń esimderin atady, dep habarlady vesti.kz.
Hershmannyń aıtýynsha, Golovkınniń komandasy salmaq sanatyna qaramastan kez kelgen qarsylaspen jekpe-jekke shyǵýǵa daıyn. «Bizde birqatar yqtımal qarsylastar bar. Olardyń arasynda Serhıo Martınes, Andre Ýord, tipti Adonıs Stıvenson da bolýy múmkin», - dep onyń sózin keltirgen ESPN.
Eske sala keteıik, 2014 jyly Golovkın alǵashqy urysyn 1 aqpanda Monte-Karloda ganalyq Osýmaný Adammen ótkizedi. Kelesi jekpe-jek qazaqstandyq úshin kásibı rıngtegi 30-shy saıys bolmaq, ol 26 sáýirge belgilengen.
Hershman sáýir aıynda Golovkın orta salmaqtaǵy álemniń eks-chempıony avstralııalyq Denıel Gılmen kezdesýi múmkin degendi aıtty. Ekinshi úmitker amerıkandyq Djeıms Kırklend bolýy múmkin, ol alǵashqy orta salmaqta óner kórsetip júr, eki apta buryn ǵana ol 20 aılyq úzilisten keıin rıngke oraldy.
