Gennadıı Golovkınge jeńilip kórmegen úsh qarsylasty usyndy

ASTANA. QazAqparat – In This Corner Boxing 24 Youtube arnasy qazaqstandyq boksshy Gennadıı Golovkınniń (42-2-1, 37 KO) bolashaǵy týraly boljamyn bólisti, dep habarlaıdy QazAqparat Sports.kz portalyna silteme jasap.

— Golovkın belbeýleriniń bárin bosatty, ázirge onyń aldaǵy jospary qandaı ekeni belgisiz. Ol úlken jekpe-jek ótkizýge tyrysyp júrgen Demetrıýs Andrademen kezdesýi múmkin nemese Haıme Mýngııamen judyryqtasa alady... Sonymen qatar Djermall Charlo bar, ol «Kanelomen» qyrkúıekte kezdese me, joq pa – belgisiz, - dep atap ótti arna avtory.

Djermall Charlo (32-0, 22 KO) WBC nusqasy boıynsha orta salmaqtaǵy álem chempıony ekenin eske sala keteıik.

Haıme Mýngııa (42-0, 33 KO) – sýperorta salmaqtaǵy WBC Silver chempıony.

Demetrıýs Andradege (32-0, 19 KO) keler bolsaq, qazirgi ýaqytta ol eshqandaı belbeý ıesi emes.