Gennadıı Golovkın jeńispen qosa, qorjynyna 350 myń dollar saldy
ASTANA. 21 qańtar. QazAqparat - Gennadıı Golovkın amerıkandyq boksshy Gabrıel Rosadoǵa qarsy kezdesýi úshin 350 myń dollar aldy. Bul týraly tanymal sholýshy Den Rafaeldiń Tvıtterindegi paraqshasyna silteme jasaı otyryp Allboxing.ru habarlady.
Onyń málimetterine qaraǵanda, qazaqstandyq boksshy 19 qańtarda Nıý-Iorktegi shoýda belgilengen eń qomaqty qarajatqa ıe boldy. Rosada bolsa óz kezeginde bul kezdesýden 150 myń dollar qarajat tapty.
Esterińizge sala keteıik, 30 jastaǵy qaraǵandylyq boksshy sońǵy kezdesýin jeńispen aıaqtady. Ol jetinshi raýndta qarsylasyn tehnıkalyq nokaýtqa jiberdi. Osylaısha, Golovkın WBA nusqasy boıynsha chempıondyq ataǵyn saqtap qalǵan bolatyn.
Aıta keteıik, G. Golovkın 2003 jylǵy álem chempıony jáne 2004 jylǵy Olımpıada fınalısti, 2006 jyldan bastap kásibı rıngte óner kórsetip kele jatyr. Golovkınniń kásibı rıngtegi óneri kóz qýantady: otandasymyz 25 kezdesýde 25 ret jeńiske jetti. Sonyń 22-sinde qazaqstandyq boksshy qarsylastaryn nokaýtqa jiberip aıaqtady.
