Gennadıı Golovkın jeńilip kórmegen boksshylar reıtınginde TOP-5-tikke kirdi
ASTANA. QazAqparat - Orta salmaqta WBA (Super), IBO, WBC jáne IBF nusqalary boıynsha álem chempıony Gennadıı Golovkın brıtandyq BoxNation telearnasy jasaǵan áli sporttan qol úzbegen jáne esh jeńilis kórmegen boksshylardyń reıtınginde TOP-5-tikke kirdi, dep habarlaıdy QazAqparat.
Telearna óz saıtynda reıtıng tizimin jarııalady, onda jerlesimiz 4-shi satyda tur. Qazaqstandyq 36 kezdesýdiń bárinde jeńiske jetken jáne onyń 33-in nokaýtpen aıaqtaǵan. Ol orta salmaq tarıhyndaǵy eń sheber nokaýtshy. Golovkın 18 ret óz tıtýlyn sátti qorǵap qalǵan jáne onyń enshisinde 23 nokaýt serııasy bar.
BoxNation telearnasynyń málimeti boıynsha, Golovkındi jeńýge bul salmaqta tek meksıkalyq Saýl "Kanelo" Alvares qana qaýqarly.
BoxNation reıtıngi:
1. Roman Gonsales (46-0)
2. Vaenhong Menaıotın (45-0)
3. Deonteı Ýaılder (38-0)
4. Gennadıı Golovkın (36-0)
5. Maıkı Garsııa (36-0)
6. Hılberto Ramıres (34-0)
7. Dennı Garsııa (33-0)
8. Terrı Flenagan (32-0).
Eske sala keteıik, Genadıı Golovkınniń kelesi kezdesýi 18 naýryz kúni Nıý-Iorkte amerıkalyq Denıel Djeıkobsqa qarsy ótedi. Jekpe-jekti elimizde «Qazaqstan» telearnasy kórsetedi.
