Gennadıı Golovkın jankúıerlerine qandaı syı daıyndap otyrǵanyn aıtty
ASTANA. QazAqparat - 18 qazanda AQSh-tyń Kalıfornııa shtatynyń Karson qalasynda WBA (Super) nusqasy boıynsha orta salmaqtaǵy álem chempıony, 32 jastaǵy qazaqstandyq boksshy Gennadıı Golovkın meksıkalyq Marko Antonıo Rýbıomen kezdesedi, dep jazady sports.kz.
Golovkın birneshe jyldan beri Abel Sanchestiń jetekshiligimen jattyǵyp keledi jáne Kalıfornııa shtatynda birinshi ret judyryqtasqaly tur.
«Men basqa boksshylardyń StubHub Center-da ótken kezdesýlerinde kóp boldym. Jáne ár kezdesý saıyn jankúıerlerdiń maǵan degen qoldaýlary arta tústi. Los-Andjeleste de solaı. Sondyqtan da Marko Antonıo Rýbıomen ótetin kezdesý bul - Ońtústik Kalıfornııadaǵy meniń barlyq jankúıerlerime degen syıym. Men 18 qazanda StubHub Center-de judyryqtasatynyma óte qýanyshtymyn. Ony kelip kóretinder men teledıdardan tamashalaıtyndarǵa úlken shoý bolady dep ýáde beremin», - degen Golovkınniń sózin BoxingScene.com. keltiredi.
