Gennadıı Golovkın: «Jankúıerlerimdi, óz elimdi qurmetteımin»
ASTANA. QazAqparat - WBA (Super) jáne WBC (Interim) tujyrymdamalary boıynsha ortasha salmaqtaǵy álem chempıony, 33 jastaǵy Gennadıı Golovkın IBF tujyrymdamasy boıynsha osy salmaqtaǵy álem chempıony, 26 jastaǵy Davıd Lememen jekpe-jeginiń aldynda qazaqstandyq boksshy elindegi jankúıerleriniń qoldaýyn sezinip otyrǵany týraly aıtty, dep habarlaıdy GGG-diń VKontakte áleýmettik jelisindegi resmı paraqshasynan.
- Gennadıı, osy senbi kúni seniń mansabyńdaǵy eń úlken jekpe-jek ótedi, ózińdi qalaı sezinýdesiń?
- Iá, durys aıtasyń, bul - men úshin eń úlken jekpe-jek. Ózimdi tamasha sezinip otyrmyn. Men óte sabyrlymyn, sebebi qasymda dostarym men komandam bar, jekpe-jekke nebári eki kún qaldy.
- Qazaqstanda seniń esimińdi salyp sapqa turǵan sarbazdar týraly suraǵym kelip otyr. Seniń eliń esimińdi jazý úshin osylaı birigip otyrǵanda, ne sezesiń?
- Bul - óte úlken qoldaý, men úshin úlken syılyq. Óz jankúıerlerimdi, týǵan elimdi qurmetteımin. Adamdar seniń qandaı tulǵa ekenińdi túsinedi.
- Ózińdi myqtymyn dep sanaısyń ba?
- Bilmeımin, ony ýaqyt kórsetedi.
- Sen ony rıngte kórsetesiń ǵoı...
- Árıne.
