Gennadıı Golovkın: Jankúıerlerim men komandama qoldaý kórsetkenderi úshin rahmet
ASTANA. QazAqparat - Gennadıı Golovkın jankúıerleri men óz ujymyn qoldaǵandary úshin alǵys aıtty, dep habarlady Sports.kz.
«Jankúıerlerim men komandama qoldaý kórsetkenderi úshin rahmet», - dep jazdy WBC chempıony óz Tvıtterinde.
Eske sala keteıik, orta salmaqtaǵy qazaqstandyq chempıon taǵy bir tıtýlǵa ıe bolǵany belgili boldy.
«Dúnıejúzilik boks keńesi „Golden Boy Promotions"-ten Saýl Kanelo Alvarestyń orta salmaqtaǵy WBC beldiginen bas tartýy jaıly resmı habar aldy. Gennadıı Golovkın WBC nusqasy boıynsha orta salmaqtaǵy álem chempıony atandy. WBC Kaneloǵa karerasynda sáttilik tileıdi, bolashaqta Golovkın-Alvares jekpe-jegin kórýge úmit artyp otyrmyz». - delingen uıym qaýlysynda.
