Gennadıı Golovkın WBA reıtınginde kósh bastady

ASTANA. QazAqparat - Búkilálemdik boks qaýymdastyǵy (WBA) barlyq salmaq sanaty boıynsha boksshylardyń jańa reıtıngin jarııalady, dep habarlaıdy QazAqparat Sports.kz-ke silteme jasap.

Jańa reıtıngtegi qazaqstandyq boksshylardyń orny:

Ekinshi orta salmaqta óner kórsetetin Aıdos Erbosynuly 15-ornyn saqtap qaldy. Osy sanattyń úzdikter úshtigin brıtanııalyq Djon Raıder, reseılik Fedor Chýdınov jáne taǵy bir brıtanııalyq boksshy Kishi Krıs ıÝbenk túıindep otyr.

Orta salmaqtaǵy burynǵy álem chempıony Gennadıı Golovkın 2-orynnan 1-orynǵa kóterildi, odan keıingi oryndarda polıak sportshysy Kamıl Sheremeta men amerıkalyq Brendon Adams tur. Al qazirgi «sýperchempıon» meksıkalyq Saýl «Kanelo» Alvares bolsa, «qarapaıym» chempıon - AQSh ókili Rob Brant.

Birinshi orta salmaq sanatynda Nursultan Jańabaev 15-satyda qaldy. Osy topty brıtanııalyq Kell Brýk bastap tur. Ekinshi orynda - kýbalyq Erıslandı Lara, al úshinshi - amerıkalyq Djermell Charlo.