Gennadıı Golovkın WBA-nyń álem chempıony tıtýlyn qorǵap qaldy
ASTANA. 20 qańtar. QazAqparat - Qazaqstandyq boksshy Gennadıı Golovkın Búkilálemdik boks qaýymdastyǵynyń (WBA) nusqasy boıynsha orta salmaqta álem chempıony tıtýlyn qorǵap qaldy.
Vesti.kz saıtynyń habarlaýynsha, 30 jastaǵy qazaqstandyq boksshy Nıý-Iorktegi Madison Square Garden arenasynda óziniń 2013 jylǵy alǵashqy kezdesýin 26 jastaǵy amerıkandyq Gabrıel Rosadoǵa qarsy ótkizdi. Jeńiske jetinshi raýndta qarsylasyn tehnıkalyq nokaýtqa jibergen Qazaqstan sportshysy jetti.
Bul Golovkın úshin kásibı rıngtegi 25-inshi jeńis boldy. Sonyń 22-sinde qazaqstandyq boksshy kezdesýdi sońyna jetkizbeı aıaqtady. Rosado úshin bul 21-inshi aıqas boldy, bul onyń mansabyndaǵy altynshy jeńilis.
Eske salaıyq, 2003 jylǵy álem chempıony jáne 2004 jylǵy Olımpıada chempıony G. Golovkın 2013 jyly bes kezdesý ótkizýdi josparlap otyr.
