Gennadıı Golovkın «Úzdik boksshy» nomınatsııasyna usynyldy

NUR-SULTAN. QazAqparat - ESPN telearnasy qazaqstandyq boksshy Gennadıı Golovkındi (41-1-1, 36 KO) «Úzdik boksshy» nomınatsııasyna usyndy, dep habarlaıdy QazAqparat sports.kz resýrsyna silteme jasap.

Telearnanyń Twitter paraqshasynda jarııalanǵan daýys berýge arnalǵan orta salmaqtaǵy álem chempıondarynyń tizimine Gennadıı Golovkınnen bólek Djermall Charlo (32-0, 22 KO), Demetrıýs Andrade (31-0, 19 KO), Rıota Mýrata (16-2, 13 KO), sondaı-aq, kishi Krıs ıÝbenk (31-2, 23 KO) men Haıme Mýngııa (38-0, 30 KO) engen.

Kóptegen jankúıerler kommentarııde Golovkındi qoldap, pikir qaldyryp jatyr.

Degenmen, 39 jastaǵy qazaqstandyq boksshynyń ótken jyly bir de bir jekpe-jek ótkizbegenin eske salamyz.

Sońǵy ret Gennadıı Golovkın rıngke 2020 jyldyń jeltoqsanynda shyqqan.

Ol polshalyq boksshy Kamıl Sheremetany (21-2-1, 5 KO) jetinshi raýndta qapy qaldyryp, aıqyn basymdyqpen jeńiske jetken bolatyn.