Gennadıı Golovkın «úlken aıýda» jattyǵýyn bastady
ASTANA. QazAqparat - WBA (Super), IBO, WBC jáne IBF nusqalary boıynsha orta salmaqtaǵy álem chempıony, qazaqstandyq kásipqoı boksshy Gennadıı Golovkın Kalıfornııa shtatyndaǵy Big Bear jattyǵý alańynda qaıtadan jattyǵa bastady, dep habarlaıdy QazAqparat.
Bul týraly boksshynyń jeke jattyqtyrýshysy Abel Sanches tvıtter áleýmettik jelisindegi óz paraqshasynda habarlap otyr.
«GGG «úlken aıýda» talmaı jattyǵýda» dep jazdy A.Sanches.
Ózderińiz biletindeı, Gennadıı Golovkın qazir kelesi jekpe-jegin kútip júr.
Buǵan deıin habarlanǵandaı, Gennadıı Golovkın (36-0, 33 KO) men Denıel Djeıkobs (32-1, 29 KO) komandalary arasyndaǵy kelissózder uzaqqa sozylǵandyqtan, qazaqstandyq boksshy Gennadıı Golovkınniń bıyl sharshy alańǵa shyqpaıtyny aıtylǵan bolatyn. Oǵan deıin Gennadıı Golovkın men Denıel Djeıkobstyń jekpe-jegi 10 jeltoqsan kúni ótýi múmkin dep boljanǵan edi.
Osy jyldyń 11 qyrkúıeginde Gennadıı Golovkın (35-0, 32 KO) kásibı rıngte brıtandyq Kell Brýkty (36-0, 25 KO) nokaýtqa jiberip, kezekti jeńisine qol jetkizgen bolatyn.
