Gennadıı Golovkın týraly rolık amerıkalyq telearna tarıhynda jańa rekord ornatty
ASTANA. 19 shilde. QazAqparat - Amerıkalyq NVO telearnasy túsirgen «Gennadıı Golovkınmen ótken 2 kún» beınerolıgin bir aıda 3 mıllıonnan astam kórermen tamashalaǵan, dep habarlaıdy Vesti.kz.
Osyndaı formattaǵy baǵdarlamalar úshin bul - jańa rekord.
Beınerolık telearna efırine maýsym aıynyń bas kezderinde shyqty. Onda qazaqstandyq boksshynyń amerıkalyq Gabrıel Rosadomen qarsy jekpejegine daıyndyǵy kórsetilgen. Osylaısha telearna 30 maýsymda ótken Golovkın men brıtandyq Mettıý Maklınniń arasyndaǵy kezdesýine jankúıerlerdiń nazaryn aýdartpaqshy edi. Onda bizdiń sportshy úshinshi raýndta brıtandyq boksshyny eseńgiretken bolatyn.
