Gennadıı Golovkın tamyzda ótetin jekpe-jekke daıyndyqty 3 shildede bastaıdy
ASTANA. QazAqparat - Gennadıı Golovkınniń bapkeri Abel Sanches kelesi jekpe-jekke daıyndalý úshin GGG jattyǵý zalyna shildeniń basynda oralatynyn aıtty.
Ázirge qazaqstandyqtyń qarsylasy kim bolatyny belgisiz, áleýetti qarsylastarynyń ishinde Saýl Alvares, Bıllı Djo Sonders, Denıel Djeıkobs, Sebastıan Heıland, kishi Krıs ıÝbenk bar, dep jazdy Sports.k
«Bizde áli Golden Boy-men eshqandaı kelissóz bolǵan joq. Alaıda Golovkın rıngke tamyzdyń sońǵy aptasynda nemese qyrkúıekte oralady. Qarsylas jaıynda aıtar bolsaq, demalysta Nıý-Iorkte Tom Lefflermen kezdesemiz, sol kezde qarsylastardy tańdap qaraımyz», degen Sanchestiń sózin keltirdi ESPN Deportes.
Tálimger Golovkın Saýl Alvarespen aıqas uıymdastyrady degenge asa senim bildirmedi.
«Bul aıqas ózin uzaq jarnamalady. Qaınaýy jetti. Al shynyna kelsek, bul jekpe-jek qyrkúıekte bolmaıdy», - dep atap ótti Sanches.
