Gennadıı Golovkın sporttyq mansabyn qashan aıaqtaıtynyn aıtty
ASTANA. QazAqparat - WBA (Super), IBO, WBC jáne IBF tujyrymdary boıynsha orta salmaqtaǵy álem chempıony qazaqstandyq boksshy Gennadıı Golovkın (35-0, 32 KO) óz dıvızıonyndaǵy ataýly qarsylastarmen aıqasý múmkindigi bolmaı jatqanyna renishin bildirdi, dep jazady Vestı.kz.
Golovkın 10 qyrkúıekte Londonda orta salmaqtaǵy IBF chempıony Kell Brýkke (36-0, 25 KO) qarsy tıtýldaryn qorǵaıdy. Ol ózine 13 fýnt salmaq qosady.
Bul rette Golovkın orta salmaqtaǵy WBC tıtýlyn ıelengen Saýl "Kanelo" Alvarespen (47-1-1, 33 KO) jekpe-jek ótkizýge mindetti úmitker sanalady. Alaıda mamyrda meksıkalyqtyń belbeýi qazaqstandyqqa berilip, ol qaıta birinshi orta salmaqqa ótti.
Sondaı-aq Golovkın WBO tıtýlynyń ıegeri orta salmaqtaǵy Bıllı Djo Sonderspen aıqas ótkizýge tyrysty, bul da iske aspady, brıtandyq Krıs kishi ıÝbenkpen de mámile aıaqsyz qaldy.
«Sharshy alańǵa álemdegi eń úzdik boksshylarmen shyqqym keledi. Alaıda olar menen qashqaqtaýyn qoıar emes. Meniń mansabymnyń aıaqtalýyna eki, bálkim úsh jyl ǵana qaldy. Bireýdi kútip otyra berýge ýaqytym joq», - dep 34 jastaǵy Golovkınniń sózin keltirdi BoxingScene.com.
