Gennadıı Golovkın Sochıdegi halyqaralyq boks forýmyna qatysýda
Forým Reseı boks federatsııasynyń bastamasymen halyqaralyq olımpıadalyq jáne kásipqoı boks federatsııalarymen birlesip uıymdastyrylýda. Onda kásipqoı bokstaǵy basty uıymdardyń dırektorlary keńesiniń otyrysy ótedi.
Sochıdegi forýmda Halyqaralyq boks qaýymdastyǵy (AIBA), Búkilálemdik boks qaýymdastyǵy (WBA), Búkilálemdik boks keńesi (WBC), Halyqaralyq boks federatsııasy (IBF) jáne Dúnıejúzilik boks uıymy (WBO) syndy jetekshi boks uıymdarynyń ókilderi jınalady.
Sharaǵa 130-dan astam memleket ókilderi qatysady. Resmı baǵdarlama qatysýshylar arasynda - WBC basshysy Maýrısıo Sýleıman, WBA prezıdenti Hılberto Mendosa, IBF jetekshisi Derıl Pıplz, úsh dúrkin Olımpıada chempıony jáne alty dúrkin álem chempıony, kýbalyq Felıks Savon jáne álem chempıony, úzdik kásipqoı boksshylardyń biri, qazaqstandyq Gennadıı Golovkın bar.
Forým 1-3 aqpan kúnderi Sochıdyń Pullman qonaq úıinde ótedi. Jıyn baǵdarlamasynda tóreshiler semınarlary, WBA jáne WBC dırektorlary keńesiniń otyrysy jáne Sýleıman, Mendosa, Pıplz jáne Golovkınniń qatysýymen «Álemdegi olımpıadalyq jáne kásipqoı bokstyń damýy» taqyrybynda pikirtalas alańy uıymdastyrylady.
Sonymen birge, senbi kúni Sochıdegi «Bolshoı» sport saraıynda kásipqoı boks keshi ótedi, onda reseılik Murat Gassıev pen kýbalyq ıÝnıer Dortıkos arasynda Búkilálemdik boks sýperserııasynyń jartylaı fınaldyq aıqasy ótedi.
Sondaı-aq, rıngke burynǵy álem chempıony Fedor Chýdınov, WBA ınternatsıonaldyq belbeýiniń jáne WBC kúmis belbeýiniń ıegeri Mıhaıl Aloıan, Vage Sarýhanıan, Maksım Vlasov jáne Roman Andreev shyǵady. Forým qatysýshylary men qonaqtary resmı jattyǵý men salmaq ólsheý rásimderine bara alady.
Forýmnyń jabylýy 4 aqpanǵa josparlanǵan.
