Gennadıı Golovkın shoý-bıznes juldyzdary reıtınginde Qaırat Nurtasqa ǵana jol berdi
ASTANA. 5 jeltoqsan. QazAqparat - Forbes Kazakhstan jáne MuzZone telearnasy qazaqstandyq shoý-bıznestiń eń súıikti juldyzdarynyń hıt-paradyn usyndy.
Birinshi oryndy ánshi Qaırat Nurtas ıelendi, úshinshi orynda - telejúrgizýshi Baıan Esentaeva.
Ekinshi oryndy qazaqstandyq jankúıerlerdiń súıikti boksshysy Gennadıı Golovkın ıelendi, onyń jyldyq tabysy 1,4 mıllıon dollardy quraıdy.
«Gennadıı Golovkınniń jankúıerleri 2013 jyldy GGG jyly dep atady. Osy kezeńde ol tórt ret sharshy alańda jekpe-jek ótkizip, aqshalaı 1,4 mln. dollar utyp alǵan bolatyn. Naýryz aıynda Golovkın HBO arnasynyń Gattı tizimine endi, qyrkúıekte - The Ring jýrnalynyń muqabasyna, al qazan aıynda HBO nusqasy boıynsha álemniń úzdik boksshylary bestigine endi. Qarasha aıynda ótken Kertıs Stıvenspen jekpe-jek 2013 jyldyń (ortasha kórsetkish 1,416 mln. kórermendi qurady) eń reıtıngti kúresterdiń úshtigine engen. Búgingi kúni ol Monte-Karloda ótetin jekpe-jekke daıyndyq jasaýda, kezdesý 2014 jylǵy 1 aqpanǵa josparlanǵan», - dep jazady Forbes.kz.
