Gennadıı Golovkın short-trek quramasyn Azııa oıyndaryndaǵy altyn medalimen quttyqtady
ASTANA.KAZINFORM - Qazaqstan Ulttyq Olımpıadalyq komıtetiniń prezıdenti Gennadıı Golovkın Harbın – 2025 Azııa oıyndarynyń estafetalyq jarysynda tarıhı altyn medal jeńip alǵan short-trek quramasyn quttyqtady.
- Qazaqstan Ulttyq Olımpıadalyq komıteti atynan jáne óz atymnan Gleb Ivchenko, Denıs Nıkısha, Mersaıd Jaqsybaev, Aıbek Nasen, Abzal Ájǵalıev jáne Ádil Ǵalıahmetovti Harbındegi qysqy Azııa oıyndarynda Qazaqstan quramasynyń alǵashqy altyn medalin jeńip alýymen shyn júrekten quttyqtaımyn!
Bul – qazaqstandyq short-trek úshin álemdik deńgeıdegi keshendi jarystardaǵy alǵashqy joǵary dárejeli júlde jáne myńdaǵan jankúıer osy tarıhı sáttiń kýási boldy. Búgin sizder jeńiske degen jigerlerińizdiń arqasynda laıyqty túrde tuǵyrdyń eń bıik satysyna kóterildińizder, dedi komıtet prezıdenti.
Ol kóp jyldan keıin Qazaqstannyń ánurany Azııa qurlyǵynyń qysqy dodasynda qaıta shyrqalatynyn atap ótti.
- Sizderdi osy jeńiske jetelegen bapkerlerińizge erekshe alǵys aıtamyn. Bul jarqyn jeńis – búkil el úshin zor qýanysh. Raqmet, alǵa, Qazaqstan! – dedi Gennadıı Golovkın.
Aıta keteıik, Qazaqstan quramasy búgin short-trekten qysqy Azııa oıyndarynyń chempıony atandy.