Gennadıı Golovkın rıngte bıledi - VIDEO
ASTANA. QazAqparat - Qazaqstandyq boksshy Gennadıı Golovkın WBA (Super), IBO jáne WBC Interim nusqalary boıynsha orta salmaqtaǵy álem chempıony tıtýlyn qorǵaýǵa daıyndyǵyn jalǵastyrýda. Ol brıtanııalyq Martın Mıýrreımen kezdesedi.
Jattyǵý barysynda Golovkın baspasózben de aralasyp turady. Bul joly jýrnalıst qyzdyń ótinishi boıynsha qazaqstandyq boksshy rıngte bıledi. Bastapqyda sportshy uıalǵan, keıin birneshe bı qozǵalysyn kórsetip, meksıkalyq stıldi unatatynyn aıtty. Chempıonnyń bul áreketi zaldaǵy jattyqtyrýshylar, jýrnalıster men GGG-komandasy músheleriniń kóńilin kóterdi.
Aıta keteıik, Golovkın men Mıýrreı arasyndaǵy jekpe-jek 21 aqpanda Monakodaǵy Salle des Etoiles arenasynda ótedi. Kezdesýdi HBO arnasy tikeleı efırden kórsetedi. Qazaqstanda bul jekpe-jek 22 aqpanǵa qaraǵan túnde kórsetiledi. Sharshy alańda pýertorıkolyq Lýıs Pabon tóreshi bolmaq, dep jazady Vestı.kz.
